വടകര: കോണ്‍ഗ്രസ് പുനഃസംഘടന ഉടനുണ്ടാകുമെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍. പ്രവര്‍ത്തനമികവ് അടിസ്ഥാനമാക്കിയാകും പുനഃസംഘടന.
മുതിര്‍ന്ന നേതാക്കളായ ഉമ്മന്‍ചാണ്ടി, ചെന്നിത്തല എന്നിവരുമായി ആദ്യവട്ട ചര്‍ച്ചകള്‍ പൂര്‍ത്തിയാക്കിയിട്ടുണ്ട്. ഗ്രൂപ്പ് സമവാക്യങ്ങള്‍ പാലിക്കും. എന്നാല്‍, ഗ്രൂപ്പ് മാത്രം നോക്കിയുള്ള സ്ഥാനം നല്‍കല്‍ നടക്കില്ല. സ്ത്രീ, ദലിത്, യുവാക്കള്‍ എന്നിവര്‍ക്ക് പ്രാധാന്യം നല്‍കും.
ഡല്‍ഹിയില്‍ ഇന്ന് എ.കെ ആന്റണിയുമായും സംഘടനാ ചുമതലയുള്ള കെ.സി വേണുഗോപാലുമായും ചര്‍ച്ച നടത്തും. ഇതിന്റെ അടിസ്ഥാനത്തില്‍ താഴേത്തട്ടുമുതല്‍ കെ.പി.സി.സി വരെയുള്ള നേതൃത്വത്തിന്റെ രൂപരേഖ തയാറാക്കുമെന്നും അദ്ദേഹം പറഞ്ഞു.