പൂനെ: ഭീമാ കൊറേഗാവ് കേസില്‍ മൂന്നുപേരെക്കൂടി എന്‍.ഐ.എ അറസ്റ്റ് ചെയ്തു. സാഗര്‍ തത്യാറാം ഗോര്‍ഖെ, രമേഷ് മുരളീധര്‍ ഗെയ്‌ച്ചോര്‍, ജ്യോതി രഗോഭ എന്നിവരെയാണ് കഴിഞ്ഞ ദിവസം അറസ്റ്റ് ചെയ്തത്. ഇവര്‍ സി.പി.ഐ (മാവോയിസ്റ്റ്) യുടെ കീഴിലുള്ള കബിര്‍ കലാമഞ്ച് പ്രവര്‍ത്തകരാണെന്നാണ് എന്‍.ഐ.എ ആരോപിക്കുന്നത്.
അറസ്റ്റിലായ മൂന്നുപേരെയും മുംബൈയിലെ പ്രത്യേക എന്‍.ഐ.എ കോടതിയില്‍ ഹാജരാക്കി. ഇവരെ നാലു ദിവസത്തെ എന്‍.ഐ.എ കസ്റ്റഡിയില്‍ വിട്ടിരിക്കുകയാണ്. കേസില്‍ നേരത്തെ അറസ്റ്റിലായ എഴുത്തുകാരന്‍ വരവര റാവുവിന്റെ രണ്ടു മരുമക്കളോട് ചോദ്യം ചെയ്യലിനു ഹാജരാകാനും കഴിഞ്ഞ ദിവസം എന്‍.ഐ.എ ആവശ്യപ്പെട്ടിരുന്നു.