മലപ്പുറം: കേന്ദ്ര സര്‍ക്കാറിന്റെ ജനവിരുദ്ധ-തൊഴിലാളി വിരുദ്ധ നയങ്ങള്‍ തിരുത്തുക, സംസ്ഥാന സര്‍ക്കാറിന്റെ ജനപക്ഷ ബദല്‍ നയങ്ങള്‍ക്ക് കരുത്തു പകരുക, അഴിമതി രഹിത സിവില്‍ സര്‍വീസ് കെട്ടിപ്പടുക്കുക തുടങ്ങിയ ആവശ്യമുന്നിയിച്ച് കേരള എന്‍ ജി ഒ യൂണിയന്റെ നേതൃത്വത്തില്‍ സിവില്‍ സ്റ്റേഷന്‍ മാര്‍ച്ചും ധര്‍ണയും നടത്തി. യൂണിയന്‍ സംസ്ഥാന ട്രഷറര്‍ എസ് രാധാകൃഷ്ണന്‍ ഉദ്ഘാടനം ചെയ്തു. ജില്ലാ പ്രസിഡന്റ് ടി എം ഋഷികേശന്‍ അധ്യക്ഷനായി. സെക്രട്ടറി എ കെ കൃഷ്ണപ്രദീപ്, ജോയിന്റ് സെക്രട്ടറി കെ മോഹനന്‍, സംസ്ഥാന കമ്മിറ്റിയംഗം എം കെ വസന്ത, കെ രവീന്ദ്രന്‍, വി കെ രാജേഷ്, സോഫിയ ബി ജെയിന്‍സ്, എന്‍ മുഹമ്മദ് അഷ്‌റഫ്, കെ പി പുഷ്പ, ടി കേസരീദേവി എന്നിവര്‍ നേതൃത്വം നല്കി.