പാണ്ടിക്കാട്: മഞ്ചേരി റോഡിലെ കമാനം തോടിനു സമീപം 30 ചാക്കുകളിലാക്കി കോഴി മാലിന്യം തള്ളി.  മഴവെള്ളത്തില്‍ ഇതു ചീഞ്ഞളിഞ്ഞു തുടങ്ങിയതോടെ പരിസരമാകെ ദുര്‍ഗന്ധം വമിക്കുകയാണ്.  കടലുണ്ടി പുഴയില്‍ ഒഴുകിച്ചേരുന്ന തോട്ടില്‍ ചീഞ്ഞഴുകി മാംസാവശിഷ്ടങ്ങള്‍ ഒഴുകുന്നതു കടുത്ത പാരിസ്ഥിതിക പ്രശ്‌നങ്ങള്‍ക്ക് ഇടയാക്കിയേക്കുമോ എന്ന ആശങ്കയിലാണു നാട്ടുകാര്‍. കോഴിക്കടകളിലെ അറവു മാലിന്യങ്ങള്‍ നീക്കം ചെയ്യാന്‍ ഭീമമായ തുകക്കു കരാറെടുക്കുന്നവരാണു വഴിയോരങ്ങളിലും ജലാശയങ്ങളിലും രാത്രിയുടെ മറവില്‍ ചാക്കിലാക്കി മാലിന്യം തള്ളുന്നതെന്ന് ആക്ഷേപമുണ്ട്.