ഭോപാല്‍: മധ്യപ്രദേശിലെ രാജ്ഗഡ് ജില്ലയില്‍ ഒരു കുടുംബത്തിലെ എട്ടംഗങ്ങള്‍ കാളിസിന്ധ് നദിയില്‍ മുങ്ങിമരിച്ചു. മരിച്ചവരില്‍ അഞ്ചുകുട്ടികളും ഉള്‍പ്പെടുന്നു. ദുര്‍ഗാ ബായ് (35), മക്കളായ സുനില്‍ (11), കിരണ്‍ (17), മൗല (13), നികിത (9), ബന്ധുവായ രാധാ ബായ് (29) മക്കളായ രവീണ (7), സുഹാന (8) എന്നിവരാണ് മരിച്ചത്. നദിയിലെ അണക്കെട്ടിന്റെ റിസര്‍വോയറില്‍ ഇവര്‍ കുളിക്കുന്നതിനിടെയാണ് അപകടമുണ്ടായത്. കൂട്ടത്തില്‍ ഒരു കുട്ടി മുങ്ങിപ്പോവുകയും കുട്ടിയെ രക്ഷിക്കാനുള്ള ശ്രമത്തിനിടെ മറ്റുള്ളവരും അപകടത്തില്‍ പെടുകയുമായിരുന്നു.