കുറ്റിക്കാട്ടൂര്‍: ബൈക്കുകളും വാഹനങ്ങളുടെ ബാറ്ററികളും മോഷ്ടിക്കുന്ന നാലുപേര്‍ പിടിയില്‍. പിടികൂടിയവര്‍ പ്രായപൂര്‍ത്തിയാകാത്തവരാണ്. പട്രോളിങിനിടെ മെഡിക്കല്‍ കോളജ് പൊലിസ് ആണ് ഇവരെ പിടികൂടിയത്. വാഹനങ്ങളുടെ എട്ട് ബാറ്ററിയും രണ്ട് ബൈക്കുകളുമാണ് ഇവരില്‍ നിന്നും പിടികൂടിയത്. പെരുമണ്ണ, കുറ്റികാട്ടൂര്‍, ചെറുപ്പ തുടങ്ങിയ പ്രദേശങ്ങളില്‍ നിന്നാണ് ഇവ മോഷ്ടിച്ചിട്ടുള്ളതെന്ന് പൊലിസ് പറഞ്ഞു. മെഡിക്കല്‍ കോളജ് എസ്.ഐ മുരളീധരന്‍ എ.എസ്.ഐ സജീവന്‍, രാജീവന്‍, ജ്യോതി, റിനീഷ് എന്നിവരാണ് പട്രോളിങ് സംഘത്തിലുണ്ടായിരുന്നത്. പിടികൂടിയവരില്‍ ഒരാള്‍ പ്ലസ് വണ്‍ വിദ്യാര്‍ഥിയും മറ്റുള്ളവര്‍ നേരത്തെ പഠനം നിര്‍ത്തിയവരുമാണ്. ഇവരെ കുന്ദമംഗലം മജിസ്‌ട്രേറ്റ് മുന്‍പാകെ ഹാജരാക്കി ജുവൈനല്‍ ആക്ട് പ്രകാരം കേസെടുത്തു.