കഴക്കൂട്ടം: ഒന്നര കിലോ കഞ്ചാവുമായി മുട്ടത്തറ സ്വദേശി കഴക്കൂട്ടം എക്‌സൈസിന്റെ പിടിയിലായി. കഠിനംകുളം, ചാന്നാങ്കര, കണിയാപുരം ഭാഗങ്ങളില്‍ കഞ്ചാവ് വില്‍പന നടത്തിവന്ന തിരുവനന്തപുരം മുട്ടത്തറ പുതുവല്‍ പുത്തന്‍ വീട്ടില്‍ ചെരുപ്പ് കുമാര്‍ എന്നു വിളിക്കുന്ന കൃഷ്ണകുമാര്‍ (47) ആണ് പിടിയിലായത്.
കഞ്ചാവ് വില്‍പനയ്ക്കായി കടത്തി കൊണ്ടു വന്ന ബൈക്കും എക്‌സൈസൈസ് പിടിച്ചെടുത്തു. എക്‌സൈസ് കമ്മിഷണര്‍ക്ക് ലഭിച്ച പരാതിയുടെ അടിസ്ഥാനത്തില്‍ നടത്തിയ നിരന്തര അന്വേഷണത്തിന് ഒടുവിലാണ് പ്രതി പിടിയിലായത്. കഴക്കൂട്ടം എക്‌സൈസ് ഇന്‍സ്‌പെക്ടര്‍ എ. പ്രതീപ് റാവു, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ മുകേഷ് കുമാര്‍, പ്രിവന്റീവ് ഓഫിസര്‍മാരായ കെ.ആര്‍ രാജേഷ്, തോമസ് സേവ്യര്‍ ഗോമസ്, ഹരികുമാര്‍, രാകേഷ്, സിഇഒ മാരായ മണികണ്ഠന്‍നായര്‍, സുബിന്‍, രാജേഷ്, അരുണ്‍, അനീഷ്, വനിതാ സിഇഒ മാരായ സ്മിത, സിമി, ഡ്രൈവര്‍ സുനില്‍കുമാര്‍ എന്ന വരടങ്ങുന്ന സംഘമാണ് പ്രതികയ പിടികൂടിയത്.