ചങ്ങനാശേരി: കനത്ത മഴയെ തുടര്‍ന്നുണ്ടായ പ്രളയത്തില്‍ ചങ്ങനാശേരി നഗരസഭയ്ക്കുണ്ടായ നഷ്ടം കണക്കാക്കി.
ഏകദേശം 3.5 കോടി രൂപയുടെ നാശനഷ്ടം നഗരസഭാ പ്രദേശത്ത് ഉണ്ടായിട്ടുള്ളതായി പ്രാഥമിക കണക്കുകള്‍ സൂചിപ്പിക്കുന്നതായി സെക്രട്ടറി പറഞ്ഞു. നഗരസഭയിലെ 37 വാര്‍ഡുകളില്‍ 32 വാര്‍ഡുകളിലെ 709 വീടുകളെ പ്രളയം ബാധിച്ചു. പ്രധാനമായും നഗരസഭയുടെ പടിഞ്ഞാറന്‍ ഭാഗത്തുള്ള വാര്‍ഡുകളെയാണ് കൂടുതലും ബാധിച്ചത്. നഗരസഭയുടെ 18 പൊതു കെട്ടിടങ്ങളെയും 709 കിണറുകളേയും നഗരത്തിലെ ഏകദേശം 12.5കി.മീറ്റര്‍ റോഡുകളേയും പ്രളയം ബാധിച്ചു.കൃഷി നാശവും, കന്നുകാലികളുടെ നാശവും മൂലം കോടിക്കണക്കിന് രൂപയുടെ നാശനഷ്ടവും ഉണ്ടായതായി കണക്കാക്കുന്നു.