കൊടുങ്ങല്ലൂര്‍: മര്‍ച്ചന്റ്‌സ് അസോസിയേഷന്റെ വാര്‍ഷിക പൊതുയോഗവും വിദ്യാഭ്യാസ അവാര്‍ഡ് വിതരണവും നടന്നു. വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി കെ.വി അബ്ദുള്‍ ഹമീദ് പൊതുയോഗം ഉദ്ഘാടനം ചെയ്തു. അഡ്വ. വി.ആര്‍ സുനില്‍കുമാര്‍ എം.എല്‍.എ മുഖ്യാതിഥിയായിരുന്നു.
ഏകോപന സമിതി ജില്ലാ ജനറല്‍ സെക്രട്ടറി എന്‍.ആര്‍ വിനോദ്കുമാര്‍ മുഖ്യപ്രഭാഷണം നടത്തി. മികച്ച വിദ്യാലയത്തിനുള്ള പുരസ്‌ക്കാരം കൊടുങ്ങല്ലൂര്‍ ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിനും, മികച്ച പി.ടി.എ പ്രസിഡന്റിനുള്ള പുരസ്‌ക്കാരം ശൃംഖപുരം ഗവ. ഹയര്‍ സെക്കന്‍ഡറി സ്‌കൂള്‍ പി.ടി.എ പ്രസിഡന്റ് നവാസ് പടുവിങ്ങലിനും ചടങ്ങില്‍ സമ്മാനിച്ചു.
സുപ്രഭാതം കൊടുങ്ങല്ലൂര്‍ ബ്യൂറോ ലേഖകന്‍ കൂടിയാണ് നവാസ്. മര്‍ച്ചന്റ്‌സ് അസോസിയേഷന്‍ പ്രസിഡന്റ് വി.ഇ ധര്‍മ്മപാലന്‍ അധ്യക്ഷനായി. യോഗത്തില്‍ മുഹമ്മദ് യൂസഫ്, കെ.ജെ ശ്രീജിത്ത്, പി.കെ സത്യശീലന്‍, സി.സി അനിത, പി.ആര്‍ ബാബു, വി.ജി രാജീവന്‍ പിള്ള, ടി.കെ ഷാജി, സി.കെ രാജന്‍, ഷാജു സംസാരിച്ചു.