എരുമപ്പെട്ടി: വേലൂര്‍ രാജസര്‍ രാമവര്‍മ്മ ഹയര്‍ സെക്കന്ററി സ്‌കൂളില്‍ വിജയദിനാഘോഷം സംഘടിപ്പിച്ചു. ചടങ്ങില്‍ സ്‌കൂളിന് സ്തുത്യര്‍ഹ സേവനം നല്‍കിയ അധ്യാപകന്‍ സി.എഫ് ജോണ്‍ ജോഫി, കലാ കായിക പ്രവൃത്തി പരിചയ മേഖലകളിലെ പ്രതിഭാശാലികള്‍, രാജപുരസ്‌കാര്‍ അവാര്‍ഡ് ജേതാക്കളെന്നിവരെ ആദരിക്കലും എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നത വിജയം കരസ്ഥമാക്കിയ വിദ്യാര്‍ഥികളെ അനുമോദിക്കല്‍ എന്നിവ നടന്നു.
ജില്ലാ പഞ്ചായത്തംഗം കല്ല്യാണി.എസ്.നായര്‍ വിജയദിനാഘോഷം ഉദ്ഘാടനം ചെയ്തു.
പി.ടി.എ പ്രസിഡന്റ് അശോകന്‍ മമ്പറമ്പില്‍ അധ്യക്ഷനായി. ചൊവ്വന്നൂര്‍ ബ്ലോക്ക് പഞ്ചായത്തംഗം കുര്യാക്കോസ് ജോണ്‍, ഗ്രാമപഞ്ചായത്ത് സ്ഥിരം സമിതി അധ്യക്ഷരായ ടി.ആര്‍ ഷോബി, സ്വപ്ന രാമചന്ദ്രന്‍, പ്രിന്‍സിപ്പാള്‍ സി.എസ് രാധാകൃഷ്ണന്‍, പ്രധാനാധ്യാപിക വി.എന്‍ ലളിത സംസാരിച്ചു.