ഒറ്റപ്പാലം: ആംബുലന്‍സിന് മാര്‍ഗതടസ്സം സൃഷ്ടിച്ച് വണ്ടിയോടിച്ച ഗുഡ്‌സ് വാന്‍ ഡ്രൈവര്‍ക്കെതിരെയാണ് നടപടി.തൃശൂര്‍ ആളൂര്‍ അറങ്ങാശ്ശേരി ആന്റണി (56)ക്കെതിരെയാണ് മോട്ടോര്‍ വാഹന വകുപ്പ് അധികൃതര്‍ നടപടിയെടുത്തത്.ശനിയാഴ്ച്ച ഉച്ചക്ക് ശേഷം മൂന്ന് മണിയോടെ കുളപ്പുള്ളി പാലക്കാട് പാതയിലായിരുന്നു സംഭവം.

കുളപ്പുള്ളി ഭാഗത്ത് നിന്ന് ഒറ്റപ്പാലം ഭാഗത്തേക്ക് രോഗിയുമായി പോകുകയായിരുന്ന ആംബുലന്‍സിന് മുന്‍പില്‍ വഴിമാറികൊടുക്കാതെ ഇയാള്‍ വാഹനമോടിക്കുകയായിരുന്നു.ആറാണി മുതല്‍ വാണിയംകുളം വരെ ഏകദേശം 5 കിലോമീറ്റര്‍ ദൂരമാണ് അപകടകരമായ രീതിയിലും,അമിത വേഗതയിലും ആന്റണി വണ്ടിയോടിച്ചത്.
ഇതുവഴി വരികയായിരുന്ന എ.എം.വി.ഐമാരായ എ മുഹമ്മദ് റഫീഖും, പി.എം രവികുമാറും ഇത് കാണുകയും വാഹനത്തെ പിന്തുടര്‍ന്ന് പിടികൂടി ആംബുലന്‍സിന് കടന്ന്‌പോകാന്‍ വഴിയൊരുക്കുകയുമായിരുന്നു.ആന്റണിക്കെതിരെ കേസെടുത്ത അധികൃതര്‍ ഇയാളുടെ ലൈസന്‍സ് കസ്റ്റഡിയിലെടുത്തു.