വെങ്ങപ്പള്ളി: വിദ്യാര്‍ഥികളില്‍ ജനാധിപത്യ മൂല്യങ്ങള്‍ വളര്‍ത്തിയെടുക്കുക എന്ന ലക്ഷ്യത്തോടെ ശംസുല്‍ ഉലമാ പബ്ലിക് സ്‌കൂളില്‍ പാര്‍ലമെന്റ് ഇലക്ഷന്‍ നടത്തി. സ്‌കൂള്‍ ലീഡര്‍, ഡെപ്യുട്ടി ലീഡര്‍, മാഗസിന്‍ എഡിറ്റര്‍, ആട്‌സ് സെക്രട്ടറി, സ്‌പോട്‌സ് ക്യാപ്റ്റന്‍ എന്നീ വിഭാഗങ്ങളിലേക്ക് മുപ്പതോളം വിദ്യാര്‍ഥികള്‍ മത്സരിച്ചു. 95.28 ശതമാനം പോളിങ് രേഖപ്പെടുത്തി. അധ്യാപകരും അനധ്യാപകരും വിദ്യാര്‍ഥികളും തിരഞ്ഞെടുപ്പിന് നേതൃത്വം നല്‍കി. ഫലം ശനിയാഴ്ചയും സത്യപ്രതിജ്ഞ തിങ്കളാഴ്ചയും നടക്കുമെന്ന് പ്രിന്‍സിപ്പല്‍ മുഹമ്മദ് റഹൂഫ് മാസ്റ്റര്‍ അറിയിച്ചു.