ജയത്തോടെ ലിവര്‍പൂള്‍ ഒന്നാമത്

backup

May 05 2019 | 21:05 PM

%e0%b4%9c%e0%b4%af%e0%b4%a4%e0%b5%8d%e0%b4%a4%e0%b5%8b%e0%b4%9f%e0%b5%86-%e0%b4%b2%e0%b4%bf%e0%b4%b5%e0%b4%b0%e0%b5%8d%e2%80%8d%e0%b4%aa%e0%b5%82%e0%b4%b3%e0%b5%8d%e2%80%8d-%e0%b4%92%e0%b4%a8%e0%b5%8d

സലാഹിന് പരുക്ക്;
ചാംപ്യന്‍സ് ലീഗ് സെമി രണ്ടാംപാദം നഷ്ടമായേക്കും

ന്യൂകാസില്‍: ചാംപ്യന്‍സ് ലീഗില്‍ ബാഴ്‌സയുമായുള്ള ആദ്യപാദ സെമിയില്‍ പരാജയപ്പെട്ടതിന്റെ ക്ഷീണവുമായി പ്രീമിയര്‍ ലീഗില്‍ ഇറങ്ങിയ ലിവര്‍പൂളിന് സന്തോഷവും കണ്ണീരും.
ന്യൂകാസിലിന്റെ തട്ടകത്തില്‍ ഇറങ്ങി അവരെ 3-2ന് പരാജയപ്പെടുത്തിയെങ്കിലും മത്സരത്തിനിടെ ഈജിപ്ഷ്യന്‍ സൂപ്പര്‍ താരം മുഹമ്മദ് സലാഹിന് പരുക്കേറ്റതോടെ ലിവര്‍പൂളിന് തിരിച്ചടിയായി. ഇതോടെ ബാഴ്‌സയ്‌ക്കെതിരായ രണ്ടാംപാദ സെമി സലാഹിന് നഷ്ടമായേക്കും.
85-ാം മിനുട്ട്‌വരെ ഇരുടീമും 2-2ന് ഒപ്പത്തിലായിരിക്കെ അവസാന നിമിഷത്തില്‍ ഡിവോക്ക് ഒറിഗി നേടിയ ഗോളിലൂടെ അവര്‍ വിജയം നേടുകയായിരുന്നു. ജയത്തോടെ മാഞ്ചസ്റ്റര്‍ സിറ്റിയെ പിന്നിലാക്കി ലിവര്‍പൂള്‍ ഒന്നാം സ്ഥാനത്തെത്തി.
37 കളികളില്‍ നിന്ന് 94 പോയിന്റാണ് ലിവര്‍പൂളിനുള്ളത്. അതേസമയം, ഒരു മത്സരം പിന്നിലുള്ള സിറ്റിക്ക് 92 പോയിന്റാണുള്ളത്. പരാജയപ്പെട്ട ന്യൂകാസില്‍ 14-ാം സ്ഥാനത്താണ്.
മറ്റൊരു മത്സരത്തില്‍ ചെല്‍സി വാറ്റ്‌ഫോര്‍ഡിനെ എതിരില്ലാത്ത മൂന്ന് ഗോളുകള്‍ക്ക് പരാജയപ്പെടുത്തി. ജയത്തോടെ അവര്‍ ടോട്ടനത്തെ പിന്നിലാക്കി മൂന്നാം സ്ഥാനത്തേക്ക് കുതിച്ചു. ഇരു ടീമും 37 മത്സരങ്ങള്‍ കളിച്ചപ്പോള്‍ ചെല്‍സിക്ക് 71 ഉം ടോട്ടനത്തിന് 70 ഉം പോയിന്റുകളാണുള്ളത്.
ഹഡ്ഡേഴ്‌സ് ഫീല്‍ഡിനോട് സമനില വഴങ്ങിയ മാഞ്ചസ്റ്റര്‍ യുനൈറ്റഡിന്റെ ചാംപ്യന്‍സ് ലീഗ് പ്രതീക്ഷകള്‍ അസ്തമിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."