ന്യൂഡല്‍ഹി: ദേശീയഗാനം തെറ്റായി ആലപിച്ചതിന് ബോളിവുഡ് നടി സണ്ണി ലിയോണിനെതിരേ കേസ്. ഡല്‍ഹി ന്യൂ അശോക് നഗര്‍ പൊലിസാണ് കേസ് രജിസ്റ്റര്‍ ചെയ്തത്.കബഡി ലീഗായ പ്രൊ കബഡിയുടെ ഉദ്ഘാടന ചടങ്ങിനിടെയാണ് സണ്ണി ലിയോണ്‍ ദേശീയ ഗാനം ആലപിച്ചത്.
ദേശീയഗാനത്തിലെ പല വാക്കുകളും തെറ്റായി ഉച്ഛരിച്ചായിരുന്നു ആലാപനം. താന്‍ നിരവധി തവണ പരിശീലനം നടത്തിയ ശേഷമാണ് ദേശീയ ഗാനം വേദിയില്‍ ആലപിച്ചതെന്നും പരിഭ്രമം ഉണ്ടായിരുന്നെന്നും സണ്ണി പ്രതികരിച്ചു.