ലെ: മാധ്യമങ്ങളെ ബി.ജെ.പി പണം കൊടുത്ത് സ്വാധീനിക്കാന്‍ ശ്രമിക്കുന്നതിന്റെ വീഡിയോ പുറത്ത്. ലഡാക്കിലാണ് സംഭവം. ഇതില്‍ പരാതിയുമായി തെരഞ്ഞെടുപ്പ് കമ്മിഷനെ സമീപിച്ചിരിക്കുകയാണ് ലഡാക്ക് പ്രസ് ക്ലബ്ബ്.

ലഡാക്കിലെ ഹോട്ടല്‍ സിങ്കെ പാലസില്‍ നടന്ന വാര്‍ത്താ സമ്മേളനത്തിന് പിന്നാലെ പണമടങ്ങിയ കവറുകള്‍ മാധ്യമപ്രവര്‍ത്തകര്‍ക്ക് കൈമാറുന്ന വീഡിയോയാണ് പുറത്തുവന്നിരിക്കുന്നത്.

ബി.ജെ.പി ജമ്മു കശ്മീര്‍ സംസ്ഥാന അധ്യക്ഷന്‍ രവീന്ദര്‍ റെയ്‌നയുടെ സാന്നിധ്യത്തില്‍ ബി.ജെ.പി എം.എല്‍.എ വിക്രം രണ്‍ധവെയാണ് കവറുകള്‍ മാധ്യമപ്രവര്‍ത്തകര്‍ക്ക് നല്‍കുന്നത്. തെരഞ്ഞെടുപ്പില്‍ പാര്‍ട്ടിയുടെ പ്രചാരണങ്ങളും പരിപാടികളും മികച്ച നിലയില്‍ ചിത്രീകരിക്കാന്‍ വേണ്ടിയാണ്് മാധ്യമപ്രവര്‍ത്തകര്‍ക്ക് പണം നല്‍കിയതെന്ന് പ്രസ് ക്ലബ് ആരോപിക്കുന്നു.

സംഭവവുമായി ബന്ധപ്പെട്ട് മാധ്യമപ്രവര്‍ത്തകര്‍ നല്‍കിയ പരാതിയുടെ അടിസ്ഥാനത്തില്‍ തെരഞ്ഞെടുപ്പ് കമ്മീഷന്‍ അന്വേഷണം ആരംഭിച്ചിട്ടുണ്ട്.

After Leh journalists' bribe claim, CCTV clip emerges. BJP says will sue https://t.co/fI2Inm1M7E

Disclaimer: NDTV cannot verify the authenticity of the 'bribe' video pic.twitter.com/sF9RrV4tk9

— NDTV (@ndtv) May 8, 2019