കൊടുവള്ളി: ചാന്ദ്രദിനത്തോടനുബന്ധിച്ച് കൊടുവള്ളി ജി.എം.എല്‍.പി സ്‌കൂളില്‍ റോക്കറ്റിന്റെ മാതൃക നിര്‍മിച്ചു പ്രദര്‍ശനം നടത്തി. നഗരസഭാ അധ്യക്ഷ ശരീഫാ കണ്ണാടിപ്പോയില്‍ ഉദ്ഘാടനം ചെയ്തു. വാര്‍ഡ് കൗണ്‍സിലര്‍ ഒ.പി റസാഖ് അധ്യക്ഷനായി.
ചാന്ദ്രദിനപ്പതിപ്പ് വിദ്യാഭ്യാസ സ്ഥിരംസമിതി അധ്യക്ഷ ബിന്ദു അനില്‍കുമാര്‍ പ്രകാശനം ചെയ്തു. ആര്‍.സി ശരീഫ്, ജഗന്‍, ശരീഫ് മാസ്റ്റര്‍, കെ. മൊയ്തീന്‍ കോയ, കെ. മാലിനി, ലത്തീഫ്, പാത്തുമ്മക്കുട്ടി, ഫൈസല്‍ പടനിലം, ഹെഡ്മാസ്റ്റര്‍ എം.പി മൂസ, ടി. മുനീര്‍ സംസാരിച്ചു.
പറമ്പത്ത്കാവ് എം.എല്‍.പി സ്‌കൂളില്‍ 'ചാന്ദ്രമനുഷ്യന്‍' കുട്ടികളുമായി സംവദിച്ചു. റോക്കറ്റ് മാതൃകാ പ്രദര്‍ശനം, ചാര്‍ട്ട് നിര്‍മാണം, ചാന്ദ്രദിന പതിപ്പ് നിര്‍മാണം, ക്വിസ് മത്സരം എന്നിവ നടന്നു. പ്രധാനാധ്യാപിക സി.കെ സുലൈഖ ഉദ്ഘാടനം ചെയ്തു. പി.എം മുഹമ്മദ് മാസ്റ്റര്‍ അധ്യക്ഷനായി.