അബുജ: നൈജീരിയയിലെ പ്ലാറ്റിയൂവില്‍ ഒരു ഗ്രാമത്തിലുണ്ടായ വെടിവയ്പില്‍ 11 പേര്‍ കൊല്ലപ്പെട്ടു. ഭൂമിയുടെ അവകാശത്തെ ചൊല്ലി ഇരു മതവിഭാഗങ്ങള്‍ തമ്മില്‍ നടന്ന സംഘര്‍ഷം വെടിവയ്പില്‍ കലാശിക്കുകയായിരുന്നു.
സംഭവത്തില്‍ പതിനഞ്ചോളം പേര്‍ക്കു പരുക്കേറ്റിട്ടുമുണ്ട്. ഞായറാഴ്ച വൈകിയായിരുന്നു സംഭവം. ഗ്രാമത്തിലെ ഭൂമിയുടെ അവകാശത്തെ ചൊല്ലി കര്‍ഷകര്‍ തമ്മിലാണ് സംഘര്‍ഷം നടന്നത്. സംഘര്‍ഷം മൂര്‍ച്ഛിച്ചതോടെ ഒരാള്‍ വെടിവയ്പ് നടത്തുകയായിരുന്നു.