ദോഹ: ഖത്തറില്‍ വിവിധ പരിപാടികളില്‍ സംബന്ധിക്കാനെത്തിയ സമസ്ത പ്രസിഡന്റും പ്രഗത്ഭ പണ്ഡിതനുമായ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ക്ക് ദോഹയില്‍ സ്വീകരണം നല്‍കി.
ദോഹ വിമാനത്താവളത്തില്‍ ജിഫ്‌രി തങ്ങളെ ആക്കോട് ഇസ്‌ലാമിക് സെന്റര്‍ ഖത്തര്‍ ചാപ്റ്റര്‍ ഉപദേശക സമിതി ചെയര്‍മാന്‍ സൈനുല്‍ ആബിദീന്‍ സഫാരി ഷാള്‍ അണിയിച്ച് സ്വീകരിച്ചു. ഖത്തര്‍ ഇസ്‌ലാമിക് സെന്റര്‍ പ്രസിഡന്റ് എ.വി അബൂബക്കര്‍ അല്‍ ഖാസിമി, കുടക് അബ്ദുറഹ്മാന്‍ മുസ്‌ലിയാര്‍, മുസ്തഫ മുണ്ടുപാറ, മസ്‌കാര്‍ എം.ഡി മൂസ കുറുങ്ങോട്ട്, അബ്ദുല്ല ഹാജി ഇരിങ്ങണ്ണൂര്‍, മഹമൂദ് ഹാജി ഇരിങ്ങണ്ണൂര്‍ തുടങ്ങിയവര്‍ സംബന്ധിച്ചു.