മക്ക: മക്ക ഇമാമും ഇരു ഹറം കാര്യാലയ വകുപ്പ് മേധാവിയുമായ ശൈഖ് അബ്‌ദുറഹ്‌മാൻ അൽ സുദൈസിന്റെ പേരിൽ വ്യാജ പ്രചാരണം. കൊവിഡ് ബാധിച്ച് മരണപ്പെട്ടുവെന്ന തരത്തിലാണ് സോഷ്യൽ മീഡിയയിൽ വാർത്തകൾ പ്രചരിക്കുന്നത്. യൂട്യൂബിൽ ചാനൽ വാർത്തയോടൊപ്പമാണ് വ്യാജ വാർത്ത പ്രചരിക്കുന്നത്. വിവിധ സോഷ്യൽ മീഡിയ പ്ലാറ്റ്‌ഫോമിൽ പ്രചരിക്കുന്ന വ്യാജ വാർത്തയിൽ വഞ്ചിതരായി മലയാളികളും ഷെയർ ചെയ്യുന്നുണ്ട്.

[caption id="attachment_890212" align="alignnone" width="300"] വാർത്ത പ്രചരിക്കുന്ന യുട്യൂബ് സ്‌ക്രീൻ ഷോർട്ട്[/caption]

    പലരും ഷെയർ ചെയ്‌ത ശേഷമാണ് ഇത് വ്യാജമാണെന്ന് തിരിച്ചറിയുന്നത്. സഊദിയിൽ ഇത്തരത്തിലുള്ള വ്യാജ വാർത്തകൾ സോഷ്യൽ മീഡിയകളിൽ പ്രചരിപ്പിക്കുന്നതിനെതിരെ ശക്തമായ നടപടികളാണ് സ്വീകരിക്കുന്നത്. വ്യാജ വാർത്തകളിൽ വഞ്ചിതരാകരുതെന്നും വാർത്തകളുടെ ഉറവിടങ്ങൾക്കായി ഔദ്യോഗിക കേന്ദ്രങ്ങളെ ആശ്രയിക്കണമെന്നും അധികൃതർ വ്യക്തമാക്കിയിട്ടുണ്ട്.