കാസര്‍കോട്: ബേക്കല്‍ ഫോര്‍ട്ട് ലയണ്‍സ് ക്ലബ് ബേക്കല്‍ ബീച്ച് പാര്‍ക്കില്‍ സംഘടിപ്പിക്കുന്ന അന്താരാഷ്ട്ര പട്ടം പറത്തല്‍ മേളയ്ക്ക് തുടക്കമായി. ജില്ലാകലക്ടര്‍ കെ. ജീവന്‍ ബാബു ഉദ്ഘാടനം ചെയ്തു. പ്രസിഡന്റ് സി. ഖാലിദ് പാലക്കി അധ്യക്ഷനായി. ജില്ലാ പൊലിസ് മേധാവി കെ.ജി സൈമണ്‍ മുഖ്യാതിഥിയായി. കൈറ്റ് ഫെസ്റ്റില്‍ ഇന്ന് രാവിലെ നടക്കുന്ന ബീച്ച് അഡ്വഞ്ചര്‍ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും.

[caption id="attachment_318918" align="alignnone" width="648"] ബേക്കല്‍ ഫോര്‍ട്ട് ലയണ്‍സ് ക്ലബ് ബേക്കല്‍ ബീച്ച് പാര്‍ക്കില്‍ സംഘടിപ്പിച്ച അന്താരാഷ്ട്ര പട്ടം പറത്തല്‍ മേള കലക്ടര്‍ കെ. ജീവന്‍ ബാബു പട്ടം പറത്തി ഉദ്ഘാടനം ചെയ്യുന്നു[/caption]

ഒന്‍പതു മുതല്‍ ഉച്ചയ്ക്ക് 12.30 വരെയും, വൈകുന്നേരം 3.30 മുതല്‍ ആറു വരെയുമാണ് രാജ്യാന്തര കാര്‍ റൈസിംഗ് താരം മൂസ ഷെരിഫ് നയിക്കുന്ന ബീച്ച് റൈഡ് മത്സരങ്ങള്‍ സംഘടിപ്പിച്ചിട്ടുള്ളത്. ഉച്ചയ്ക്കു ശേഷം മൂന്ന് മുതല്‍ ആറു വരെ വര്‍ണച്ചിറകുകളുള്ള പട്ടങ്ങള്‍ ബീച്ച് പാര്‍ക്കില്‍ പാറി നടക്കും. രാത്രി ഏഴു മുതല്‍ വിവിധ കലാപരിപാടികളും മേളയില്‍ നടക്കും. ഉദ്ഘാടന പരിപാടിയില്‍ ബി.ആര്‍.ഡി.സി എം.ഡി ടി.കെ മന്‍സൂര്‍, സി.എ ശിവപ്രസാദ്, പള്ളിക്കര പഞ്ചായത്ത് പ്രസിഡന്റ് ഇന്ദിര, പി.കെ അബ്ദുല്ല, ലക്ഷമണ്‍ കുമ്പള, യു.കെ യൂസഫ്, പി.എം അബ്ദുല്‍ നാസര്‍, അന്‍വര്‍ ഹസന്‍ സംസാരിച്ചു.

[caption id="attachment_318919" align="alignnone" width="649"] പാറി പറക്കാം മാനം നിറയെ... ബേക്കല്‍ ഫോര്‍ട്ട് ലയണ്‍സ് ക്ലബ് ബേക്കല്‍ ബീച്ച് പാര്‍ക്കില്‍ സംഘടിപ്പിച്ച അന്താരാഷ്ട്ര പട്ടം പറത്തല്‍ മേളയില്‍ ഇന്നലെ പ്രദര്‍ശിപ്പിച്ച പട്ടങ്ങള്‍[/caption]