തിരുവനന്തപുരം: എസ്.എസ്.എല്‍.എല്‍സിയില്‍ വിജയകിരീടമണിഞ്ഞ് ആണ്‍കുട്ടികള്‍. എല്ലാ വിഷയങ്ങള്‍ക്കും എ പ്ലസ് നേടിയാണ് ആണ്‍കുട്ടികള്‍ മുന്നിലെത്തിയത്. ജില്ലകളിലെല്ലാം ആണ്‍കുട്ടികളുടെ ആധിപത്യമാണ്. ഒരു ജില്ലയില്‍ പോലും പെണ്‍കുട്ടികള്‍ മുന്നില്‍ വന്നില്ല.
2,31,533 ആണ്‍കുട്ടികളും 2,23,916 പെണ്‍കുട്ടികളുമാണ് പരീക്ഷ എഴുതിയത്. പക്ഷേ വിജയ ശതമാനത്തില്‍ പെണ്‍കുട്ടികളാണ് മുന്നില്‍ 96.95. ആണ്‍കുട്ടികള്‍ 95.05 ശതമാനവും.
ഏറ്റവും കൂടുതല്‍ എ പ്ലസ് നേടിയതിന്റെ ക്രെഡിറ്റ് മലപ്പുറം ജില്ലയ്ക്കാണ്. 3640 പേര്‍. 2371 എ പ്ലസുമായി കോഴിക്കോടാണ് രണ്ടാമത്. 2151 (തിരുവനന്തപുരം), കൊല്ലം(2050), കണ്ണൂര്‍(1997), തൃശൂര്‍(1713), ആലപ്പുഴ(1608)യും കുറവ് വയനാടുമാണ് (392).
റവന്യു വിദ്യാഭ്യാസ ജില്ലയില്‍ മുന്നില്‍ വടകരയാണ് 829 പേര്‍.14,212 ആണ്‍കുട്ടികളാണ് എല്ലാ വിഷയത്തിനും എ പ്ലസ് നേടി ഉപരി പഠനത്തിന് അര്‍ഹത നേടിയത്. പെണ്‍കുട്ടികളാകട്ടെ 6,755 പേര്‍ മാത്രം.
മലപ്പുറത്ത് നിന്നാണ് മിടുക്കന്മാര്‍ കൂടുതല്‍. 2433 ആണ്‍കുട്ടികള്‍ എല്ലാ വിഷയത്തിനും എ പ്ലസ് നേടിയപ്പോള്‍ 1207 പെണ്‍കുട്ടികള്‍ എ പ്ലസ് സ്വന്തമാക്കി.
കോഴിക്കോട്ട് 1582 ആണ്‍കുട്ടികളും,789 പെണ്‍കുട്ടികളും എ പ്ലസ് നേടി. ആലപ്പുഴ (648, 286), എറണാകുളം (1110, 498), ഇടുക്കി (31700,136), കണ്ണൂര്‍(1360, 637), കാസര്‍കോട് (508, 304), കൊല്ലം (1344,706), കോട്ടയം(663, 303), പാലക്കാട് (1020, 398), പത്തനംതിട്ട (321, 141), തിരുവനന്തപുരം (1492, 659), തൃശൂര്‍(1157, 556), വയനാട് (257, 135) കുട്ടികളും എ പ്ലസ് നേടി.
മലപ്പുറം എടരിക്കോട് പി.കെ.എം.എം.എച്ച്.എസ് ആണ് ഏറ്റവും കൂടുതല്‍ എ പ്ലസ് നേടിയ സ്‌കൂള്‍186. കൂടുതല്‍ കുട്ടികളെ പരീക്ഷയ്ക്കിരുത്തിയ എയ്ഡഡ് സകൂളും ഇതുതന്നെ. ഏറ്റവും കൂടുതല്‍ വിദ്യാര്‍ഥികളെ പരീക്ഷയക്കിരുത്തിയ സര്‍ക്കാര്‍ സ്‌കൂള്‍ താനൂര്‍ ദേവതാര്‍ എച്ച്.എസ്.എസ് ആണ്. 913പേര്‍.