കുറ്റ്യാടി: എസ്.എസ്.എല്‍.സി പരീക്ഷയില്‍ മികച്ച ഗ്രേഡോടെ ഉപരിപഠനത്തിന് അര്‍ഹതനേടിയ റിഷാനയുടെ റിസള്‍റ്റ് കൂട്ടുകാര്‍ക്കും അധ്യാപകര്‍ക്കും തേങ്ങലായി. കുറ്റ്യാടി ഗവ. ഹയര്‍ സെക്കന്‍ഡറി സ്‌കൂളില്‍നിന്നു പരീക്ഷയെഴുതിയ റിഷാന കഴിഞ്ഞ ദിവസമാണ് ശ്വാസതടസത്തെതുടര്‍ന്ന് മരിച്ചത്. പഠന-പാഠ്യേതര പ്രവര്‍ത്തനങ്ങളിലും ഏറെ മുന്നിലായിരുന്നു റിഷാന. ചെറിയ കുമ്പളത്തെ എടത്തില്‍ റഷീദിന്റെ മകളാണ്.