മാവേലിക്കര: താലൂക്കില്‍ ശുചീകരണ പ്രവര്‍ത്തനങ്ങള്‍ക്കു പിന്നാലെ രോഗപ്രതിരോധ പ്രര്‍ത്തനങ്ങളും ഊര്‍ജിതമാക്കി. മാവേലിക്കര നഗരസഭാ അതിര്‍ത്തിയില്‍ കൊതുകു നിയന്ത്രണ പ്രര്‍ത്തനങ്ങളാണ് സജീവമാക്കിയിരിക്കുന്നത്. മലമ്പനി, ഡെങ്കിപ്പനി എന്നിവ പ്രതിരോധിക്കുന്നതിന് ജില്ലാ ആശുപത്രി, ജില്ലാ വെക്ടര്‍ കണ്‍ട്രോള്‍ യൂനിറ്റ്, മാവേലിക്കര നഗസഭാ ആരോഗ്യവിഭാഗം എന്നിവയുടെ നേതൃത്വത്തില്‍ സ്്കൂള്‍ എസ്.പി.സി, എന്‍.എസ.്എസ് യൂനിറ്റുകളുടെ സഹകരണത്തോടെ സ്‌പ്രേയിങ്, ഉറവിട നശീകരണം, ആരോഗ്യബോധവല്‍ക്കരണം എന്നിവ നടത്തി.
131 വീടുകളിലാണ് ഉറവിട നശീകരണ പ്രവര്‍ത്തനങ്ങള്‍ നടത്തിയത്. മാവേലിക്കര ജില്ലാ ആശുപത്രിയില്‍ എലിപ്പനി പ്രതിരോധ മരുന്നായ ഡോക്‌സിസൈക്ലിന്‍ ലഭ്യമാക്കുന്നതിന് പ്രത്യേക കൗണ്ടര്‍ തുടങ്ങി. ആശുപത്രിയുടെ ഒ.പി യൂനിറ്റില്‍ ക്രമീകരിച്ചിരിക്കുന്ന കൗണ്ടറില്‍നിന്ന് രാവിലെ ഒന്‍പത് വൈകിട്ട് നാലുവരെ മരുന്ന് ലഭ്യമാകും.