കൂത്തുപറമ്പ്: ദേശീയ തലത്തില്‍ യു.ജി.സി നടത്തുന്ന നാക് അക്രഡിറ്റേഷനില്‍ നിര്‍മലഗിരി കോളജിന് തിളക്കമാര്‍ന്ന വിജയം.
3.30 ഗ്രേഡ് പോയന്റോടെ 'എ' ഗ്രേഡാണ് കോളജിന് ലഭിച്ചത്.
മുമ്പ് നടന്ന രണ്ട് അക്രഡിറ്റേഷനുകളില്‍ ബി പ്ലസ് പ്ലസും എ(3.15) ഗ്രേഡും കോളജ് നേടിയിരുന്നു.
ഭാരതീയാര്‍, നൂറുല്‍ ഇസ്‌ലാം സര്‍വകലാശാലകളുടെ മുന്‍ വൈസ് ചാന്‍സലര്‍ പ്രൊഫ. എസ്. ശിവസുബ്രഹ്മണ്യന്‍,
മൈസൂര്‍ സര്‍വകലാശാല മുന്‍ രജിസ്ട്രാര്‍ പ്രൊഫ.ഡി. ശ്രീജയ് ദേവരാജ് അരസ്,
മുംബൈ ബിര്‍ള കോളജ് മുന്‍ പ്രിന്‍സിപ്പല്‍ ഡോ. സ്വപ്‌ന എച്ച്. സമല്‍ എന്നിവരായിരുന്നു നാക് ടീം അംഗങ്ങള്‍.