വെള്ളമുണ്ട: 51ാമത് സംസ്ഥാന ജൂനിയര്‍ ബോള്‍ ബാഡ്മിന്റണ്‍ ചാംപ്യന്‍ഷിപ്പില്‍ കോട്ടയവും മലപ്പുറവും ചാംപ്യന്മാരായി.
ഇന്നലെ നടന്ന ഫൈനലില്‍ പെണ്‍കുട്ടികളുടെ വിഭാഗത്തില്‍ കോട്ടയവും ആണ്‍കുട്ടികളുടെ വിഭാഗത്തില്‍ മലപ്പുറവുമാണ് കിരീടം ചൂടിയത്. പെണ്‍കുട്ടികളുടെ വിഭാഗത്തില്‍ എറണാകുളം റണ്ണേര്‍സ് അപ്പും പാലക്കാട് മൂന്നാം സ്ഥാനത്തുമെത്തി.

ആണ്‍കുട്ടികളുടെ വിഭാഗത്തില്‍ പത്തനംതിട്ട റണ്ണേര്‍സ് അപ്പും കൊല്ലം മൂന്നാം സ്ഥാനവും നേടി. പെണ്‍കുട്ടികളുടെ വിഭാഗത്തില്‍ ഇടുക്കി മാത്രമാണ് മത്സരത്തിനെത്താതിരുന്നത്. ക്വാര്‍ട്ടര്‍, സെമിഫൈനല്‍ മത്സരങ്ങളും ഇന്നലെയായിരുന്നു.