തിരുവനന്തപുരം: ലോക്ക്ഡൗണ്‍ കാലത്ത് സംസ്ഥാനത്തിന്റെ വിവിധ ഭാഗങ്ങളില്‍ നിന്നായി എക്‌സൈസ് പിടികൂടിയത് 1,707 കിലോ കഞ്ചാവ്.
എക്‌സൈസ് കമ്മിഷണറുടെ നേരിട്ടുള്ള മേല്‍നോട്ടത്തില്‍ പ്രവര്‍ത്തിക്കുന്ന സ്റ്റേറ്റ് എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡാണ് ഏറ്റവുമധികം കഞ്ചാവ് ഇക്കാലയളവില്‍ പിടികൂടിയത്. 950 കിലോ കഞ്ചാവും ആഡംബര കാറുകളുള്‍പ്പെടെ ഡസന്‍ കണക്കിന് വാഹനങ്ങളുമാണ് ഇവരുടെ പിടിയിലായത്.
കൊവിഡ് ഭീതിയില്‍ വാഹന പരിശോധനയിലെ ഇളവുകള്‍ മുതലെടുത്താണ് കിലോകണക്കിന് കഞ്ചാവും മറ്റ് ലഹരി വസ്തുക്കളും സംസ്ഥാനത്തേക്ക് ഒഴുക്കുന്നത്.