കൊച്ചി: കൊച്ചി ജലമെട്രോ നാലുവര്‍ഷത്തിനകം പൂര്‍ത്തിയാക്കുമെന്ന് മുഖ്യമന്ത്രി പിണറായി വിജയന്‍.  കൊച്ചി വാട്ടര്‍മെട്രോയുടെ നിര്‍മാണപ്രവര്‍ത്തനങ്ങള്‍ക്ക് തുടക്കമിട്ട് സംസാരിക്കുകയായിരുന്നു അദ്ദേഹം. ഇന്ത്യയില്‍ ഇതുവരെ ഒരിടത്തും നടപ്പാക്കിയിട്ടില്ലാത്ത ആദ്യ നഗരജലയാത്രാ പദ്ധതിയാണ് കൊച്ചി വാട്ടര്‍മെട്രോ. പദ്ധതി ശരിയായ രീതിയിലാണ് നടപ്പാക്കുന്നതെന്നും കൃത്യസമയത്ത് പൂര്‍ത്തിയാക്കുമെന്നും മുഖ്യമന്ത്രി പറഞ്ഞു.

ചടങ്ങില്‍ ഗതാഗതമന്ത്രി എ.കെ ശശീന്ദ്രന്‍ അധ്യക്ഷനായിരുന്നു. പ്രൊഫ.കെ.വി തോമസ് എം.പി, എം.എല്‍.എമാരായ എസ്.ശര്‍മ, വി.കെ ഇബ്രാഹിംകുഞ്ഞ്, വി.ഡി സതീശന്‍, പി.ടി തോമസ്, ഹൈബി ഈഡന്‍, കെ.ജെ മാക്‌സി, എം സ്വരാജ്, മേയര്‍ സൗമിനി ജയിന്‍, ജില്ലാ പഞ്ചായത്ത് പ്രസിഡന്റ്  ആശ സനില്‍, ജില്ലാ കലക്ടര്‍ എം.ജി രാജമാണിക്യം തുടങ്ങിയവര്‍ പങ്കെടുത്തു.