റിയാദ്: സഊദിയിൽ കഴിഞ്ഞ 24 മണിക്കൂറിനിടെ 696 രോഗികൾ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു. 27  രോഗികൾ മരണപ്പെടുകയും 969 പുതിയ രോഗബാധ സ്ഥിരീകരിക്കുകയും ചെയ്‌തിട്ടുണ്ട്‌. കഴിഞ്ഞ ഏതാനും 

ദിവസങ്ങളിൽ കണ്ടെത്തിയ വൈറസ് ബാധയെക്കാൾ അൽപം കൂടുതലാണ് ഇന്ന് സ്ഥിരീകരിച്ചത്. 

 

    10,906 രോഗികളാണ് രാജ്യത്ത് നിലവിൽ വിവിധ ആശുപത്രികളിൽ ചികിത്സയിൽ കഴിയുന്നത്. ഇവരിൽ 1,005 രോഗികൾ അതീവ ഗുരുതരാവസ്ഥയിലുമാണ്.

 

    ഇതോടെ രാജ്യത്തെ വൈറസ് ബാധയേറ്റുള്ള മരണം 4,739 ആയും വൈറസ് ബാധിതർ 334,187 ആയും ഉയർന്നിട്ടുണ്ട്. ഇന്ന് 696 രോഗികൾ രോഗ മുക്തി നേടിയതോടെ രാജ്യത്തെ രോഗ മുക്തി നേടിയവരുടെ എണ്ണം 318,546 ആയും ഉയർന്നു.