ദമാം :അല്‍കോബാര്‍ സമസ്ത ഇസ്‌ലാമിക് സെന്റര്‍ സെന്‍ട്രല്‍ കമ്മിറ്റി ഏകദിന നിശാക്യാമ്പ് സംഘടിപ്പിച്ചു. അല്‍കോബാര്‍ ദര്‍ബാര്‍ ഹോട്ടല്‍ ഓഡിറ്റോറിയത്തില്‍ നടന്ന പരിപാടി ഈസ്റ്റേണ്‍ പ്രോവിന്‍സ് സമസ്ത ഇസ്‌ലാമിക് സെന്റര്‍ പ്രസിഡന്റ് സുഹൈല്‍ ഹുദവി ഉദ്ഘാടനം ചെയ്തു. നിശാ ക്യാമ്പിന് സംസ്ഥാന ഇബാദ് വിങ് നേതാക്കളായ ഡോ. സാലിം ഫൈസി, റഷീദ് ബാഖവി എടപ്പാള്‍ എന്നിവര്‍ നേതൃത്വം നല്‍കി. ആദ്യ സെഷനില്‍ രാഷ്ട്രീയത്തിലെ മുത്തഖീങ്ങള്‍ എന്ന വിഷയത്തില്‍ റഷീദ് ബാഖവി എടപ്പാളും 

രണ്ടാം സെഷനില്‍ ഡോ.സാലിം ഫൈസി കൊളത്തൂര്‍ പൊതുപ്രവര്‍ത്തനം പേഴ്‌സണല്‍ ഡവലപ്‌മെന്റ് ഇസ്‌ലാമില്‍ എന്ന വിഷയം അവതരിപ്പിച്ചു.
അല്‍ഖോബാര്‍ സഹചാരി റിലീഫ് വിങിന്റെ 2019ലെ ബ്രോഷര്‍ ഡോ. സാലിം ഫൈസി  ഖാദി മുഹമ്മദിന് നല്‍കി ഉദ്ഘാടനം ചെയ്തു.
സെന്‍ട്രല്‍ കമ്മിറ്റി പ്രസിഡന്റ് അബ്ദുല്‍ നാസര്‍ അല്‍ അസ്അദി, ദാരിമി അധ്യക്ഷത വഹിച്ച യോഗത്തില്‍ മുസ്തഫ പൂക്കാടന്‍ സ്വാഗതവും ഇഖ്ബാല്‍ ആനമങ്ങാട് നന്ദിയും രേഖപ്പെടുത്തി.