ഇരിക്കൂര്‍: കാഞ്ഞങ്ങാട് വച്ച് ഇന്നലെയുണ്ടായ വാഹനപകടത്തില്‍ ഇരിക്കൂറിനടുത്ത് കുയിലൂര്‍ സ്വദേശികള്‍ അപകടത്തില്‍ വിറങ്ങലിച്ച് കൂയിലൂര്‍ ഗ്രാമം. വിനോദ യാത്രക്കും മൂകാംബിക ദര്‍ശനത്തിനും കുയിലൂരില്‍ നിന്ന് മെയ് ഒന്നിന് പുറപ്പട്ടവരാണ് മരിച്ചതും അപകടത്തില്‍ പരുക്കേറ്റതും. കുയിലൂര്‍ മുച്ചിലോട്ട് കാവിനു സമീപത്തെ കുമാരപുരം ചെവിടമ്പേത്ത് സജീവന്‍ (40), ഭാര്യ റീന(33) എന്നിവരാണു മരിച്ചത്. ഇവരുടെ ഏക മകന്‍ സാരംഗ്(പത്ത്) ഉള്‍പ്പെടെ നാലുപേരെ ഗുരുതര നിലയില്‍ മംഗളൂരുവിലെ ആശുപത്രിയില്‍ പ്രവേശിപ്പിച്ചു.വാര്‍ത്തയറിഞ്ഞയുടന്‍ മുന്‍ പഞ്ചായത്ത് പ്രസിഡന്റ് പി.പി രാഘവന്റെ നേതൃത്തിലുള്ള സംഘം മംഗലാപുരത്തേക്ക് തിരിച്ചു. ഇരുവരുടെയും മൃതദേഹങ്ങള്‍ പോസ്റ്റ്‌മോര്‍ട്ടത്തിനു ശേഷം ഉച്ചതിരിഞ്ഞു നാട്ടിലെത്തിക്കും.