ലഖ്‌നോ: രാജ്യം മുഴുവന്‍ സാക്ഷിയായ, ബാബരി മസ്ജിദ് തകര്‍ത്ത കേസില്‍ പ്രതികളെ മുഴുവന്‍ വെറുതെ വിട്ട് കോടതി നടത്തിയത് വിചി്ര്രതമായ നിരീക്ഷണങ്ങള്‍. ബാബരി തകര്‍ത്തതിന് തെളിവില്ലെന്നായിരുന്നു അതില്‍ ഒന്ന്. കര്‍സേവകര്‍ കയറി നിന്ന് തകര്‍ക്കുന്ന ഫോട്ടോകളും പത്രവാര്‍ത്തകളും തെളിവായി സ്വീകരിക്കാനാവില്ലെന്ന് കോടതി വിലയിരുത്തി. മുരളി മനോഹര്‍ ജോഷി. എല്‍.കെ അദ്വാനി തുടങ്ങിയ ബി.ജെ.പി നേതാക്കള്‍ കര്‍സേവകരെ പിന്തിപ്പിക്കാനാണ് ശ്രമിച്ചതെന്നും കോടതി നിരീക്ഷിച്ചു. തകര്‍ക്കല്‍ ആസൂത്രിതമല്ലെന്നും ഗൂഢാലോചനയൊന്നും നടന്നിട്ടില്ലെന്നും കോടതി ചൂണ്ടിക്കാട്ടി.

ഇന്ത്യന്‍ മതേതരത്വത്തിന് തീരാ കളങ്കമേല്‍പിച്ച ബാബരി മസ്ജിദ് തകര്‍ത്ത കേസില്‍ മുഴുവന്‍ പ്രതികളേയും വെറുതെ വിടുന്നതാണ് ലഖ്‌നോ പ്രത്യേക സി.ബി.ഐ കോടതി വിധി. 28 വര്‍ഷത്തിന് ശേഷമാണ് കേസില്‍ വിധി വരുന്നത്. ലക്നൗവിലെ പ്രത്യേക സി.ബി.ഐ കോടതി ജഡ്ജി എസ്.കെ യാദവാണ് വിധി പറഞ്ഞത്.