എടപ്പാള്‍: കേരളത്തില്‍ ഏറ്റവും വലിയ ചൂഷണം നടക്കുന്നത് ആതുരശുശ്രൂഷ രംഗത്താണെന്നും മനുഷ്യന്റെ ജീവിക്കാനുള്ള ആഗ്രഹത്തെ ഇവിടെ ചൂഷണം ചെയ്യുകയാണെന്നും മന്ത്രി കെ.ടി.ജലീല്‍ അഭിപ്രായപ്പെട്ടു. ഡോക്ടര്‍ വേലായുധന്‍ സ്മരണിക 'ഓര്‍മകള്‍ ഒളിമങ്ങാതെ' പ്രകാശന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ചടങ്ങില്‍ ഡോക്ടര്‍ വേലായുധന്‍ സ്മരണിക ഓര്‍മകള്‍ ഒളിമങ്ങാതെ മഹാകവി അക്കിത്തം ആര്‍ട്ടിസ്റ്റ് നമ്പൂതിരിക്ക് കൈമാറി പ്രകാശനം ചെയ്തു. ഡോ.ഇ.ഗോവിന്ദന്‍ , അടാട്ട് വാസുദേവന്‍, ടി.പി.കുഞ്ഞിമരക്കാര്‍ മാസ്റ്റര്‍ സംസാരിച്ചു.