കാസര്‍കോട്: മുസ്‌ലിം ലീഗ് കാസര്‍കോട് നിയോജക മണ്ഡലം കമ്മിറ്റി 26നു വൈകുന്നേരം നാലിനു കാസര്‍കോട് റെയില്‍വേ സ്റ്റേഷന്‍ പരിസരത്ത് സംഘടപ്പിക്കുന്ന പ്രതിഷേധ ധര്‍ണയില്‍ മുഴുവന്‍ കെ.എം.സി.സി പ്രവര്‍ത്തകരും പങ്കെടുക്കണമെന്നു ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി ആവശ്യപ്പെട്ടു. ജില്ലയോട് കാണിക്കുന്ന അവഗണനക്കെതിരേ ഓണ്‍ലൈന്‍ പ്രതിഷേധം ശക്തമാക്കാനും തീരുമാനിച്ചു.
യോഗത്തില്‍ പ്രസിഡന്റ് സലാം കന്യപ്പാടി അധ്യക്ഷനായി. ജനറല്‍ സെക്രട്ടറി പി.ടി നൂറുദ്ദീന്‍ ആറാട്ടുകടവ്, സലീം ചേരങ്കൈ, ഇ.ബി അഹ്മദ് ചെടയ്കല്‍, ഐ.പി.എം ഇബ്രാഹിം, അസീസ് കമാലിയ, സത്താര്‍ ആലമ്പാടി, കരീം മൊഗര്‍, സിദ്ധീക്ക് ചൗക്കി, റഹമാന്‍, പടിഞ്ഞാര്‍ റഹീം നെക്കര, മുനീഫ് ബദിയടുക്ക, ഫൈസല്‍ പട്ടേല്‍ സംസാരിച്ചു.