ഇരിങ്ങാലക്കുട: കൂടല്‍മാണിക്യം ക്ഷേത്രോത്സവത്തോടനുബന്ധിച്ച്  മൃദംഗമേള അരങ്ങേറി.
 കൊടിയേറ്റം കഴിഞ്ഞതിനുശേഷം കിഴക്കേനടപ്പുരയിലാണ് മൃദംഗമേള നടന്നത്. കൊരമ്പ്  മൃദംഗകളരിയുടെ ആഭിമുഖ്യത്തിലാണ്   മൃദംഗമേള അരങ്ങേറിയത്. നാല് മുതല്‍ 20 വയസുവരെയുളള അന്‍പതോളം കൊച്ചു കലാകാരന്മാരാണ് മൃദംഗമേളത്തില്‍ പങ്കെടുത്തത്.
അരമണിക്കൂറോളം മേള നീണ്ടുനിന്നു. 36 വര്‍ഷത്തോളമായി കൂടല്‍മാണിക്യം തിരുവുത്സവത്തോടനുബന്ധിച്ച് കൊരമ്പ് മൃദംഗ മേള സംഘടിപ്പിക്കാറുണ്ട്.
കൊരമ്പ് വിക്രമന്‍ നമ്പൂതിരിയുടെ ശിക്ഷണത്തിലാണ് കൊരമ്പ്  മൃദംഗമേള അരങ്ങേറിയത്.