കൊടുങ്ങല്ലൂര്‍: ദക്ഷിണേന്ത്യയിലെ പ്രമുഖ തീര്‍ത്ഥാടന കേന്ദ്രമായ ചെട്ടിക്കാട് തീര്‍ത്ഥാടനകേന്ദ്രത്തിലെ പ്രസിദ്ധമായ ഊട്ട് തിരുന്നാള്‍ നാളെ നടക്കും.
രാജ്യത്തിന്റെ വിവധ ഭാഗങ്ങളില്‍നിന്നുമായി രണ്ട് ലക്ഷത്തിലധികം വിശ്വാസികള്‍ പങ്കെടുക്കുന്ന തിരുന്നാളിനുളള മുഴുവന്‍ ഒരുക്കങ്ങളും പൂര്‍ത്തിയായതായി റെക്ടര്‍ ഫാ.ജോയ് കല്ലറക്കല്‍ പറഞ്ഞു. തിരുന്നാള്‍ ദിനത്തില്‍ രാവിലെ 10.15ന് വരാപ്പുഴ അതിരൂപതാ ആര്‍ച്ച് ബിഷപ്പ് എമിരിഞ്ഞൂസ് ഡോ.ഫ്രാന്‍സീസ് കല്ലറക്കല്‍ ഊട്ട് സദ്യ ആശിര്‍വദിക്കും.തുടര്‍ന്ന് ബിഷപ്പിന്റ മുഖ്യകാര്‍മ്മികത്വത്തില്‍ നടക്കുന്ന പൊന്തിഫിക്കല്‍ ദിവ്യബലിയില്‍ ഫാ.നിക്‌സന്‍ കാട്ടാശ്ശേരി വചനപ്രഘോഷണം നടത്തും.തുടര്‍ന്ന് നൊവേന,ആരാധന, പ്രദിക്ഷണം, പൂമൂടല്‍ എന്നിവ നടക്കും.
രാവിലെ 6.15 മുതല്‍ രാത്രി 11 വരെ തുടര്‍ച്ചയായ ദിവ്യബലി നടക്കും. രണ്ട് ലക്ഷം പോര്‍ക്കുളള ഊട്ട് സദ്യയാണ് ഒരുക്കുന്നത്. പാവര്‍ട്ടി വിജയന്റെ നേതൃത്വത്തില്‍ നൂറില്‍പരം പാചകക്കാരും ഇടവക ജനങ്ങളും ചേര്‍ന്നാണ് സദ്യയൊരുക്കുന്നത്. പന്ത്രണ്ട് കൗണ്ടറുകളിലായി പതിനായിരക്കണക്കിന് പോര്‍ക്ക് ഒരേ സമയം സദ്യയില്‍ പങ്കെടുക്കവാന്‍ കഴിയും .