കോഴിക്കോട്: യു.കെയിലെ നാഷനല്‍ എക്‌സാമിനേഷന്‍ ബോര്‍ഡ് ഇന്‍ ഒക്യുപ്പേഷന്‍ സേഫ്റ്റി ആന്‍ഡ് ഹെല്‍ത്തി(എന്‍.ഇ.ബി.ഒ.എസ്.എച്ച്)ന്റെ സംസ്ഥാനത്തെ അംഗീകൃത സ്ഥാപനമായ പെട്രോടെക് സേഫ്റ്റി സൊല്യൂഷന്‍സ് പ്രൈവറ്റ് ലിമിറ്റഡ് കോഴിക്കോട്ടു പ്രവര്‍ത്തനമാരംഭിച്ചു. മലബാര്‍ മേഖലയില്‍ കമ്പനിയുടെ പ്രവര്‍ത്തനം വ്യാപിപ്പിക്കുന്നതിന്റെ ഭാഗമായി കണ്ണൂര്‍, മലപ്പുറം ജില്ലകളില്‍ കൂടി ബ്രാഞ്ചുകള്‍ തുടങ്ങുമെന്നു ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
കോഴിക്കോട്-വയനാട് റോഡില്‍ ക്രിസ്ത്യന്‍ കോളജിനു സമീപം മറിയം ബില്‍ഡിങ്ങിലാണു സ്ഥാപനത്തിന്റെ ഓഫിസ് പ്രവര്‍ത്തിക്കുന്നത്. ഗള്‍ഫ് നാടുകളിലും യൂറോപ്യന്‍ രാജ്യങ്ങളിലും സേഫ്റ്റി ഓഫിസര്‍ തസ്തികകളിലേക്കു പ്രവേശനം ആഗ്രഹിക്കുന്നവര്‍ക്കായി അന്തര്‍ദേശീയ അംഗീകാരമുള്ള എന്‍.ഇ.ബി.ഒ.എസ്.എച്ച് തുടങ്ങിയ കോഴ്‌സുകള്‍ പെട്രോടെക്കില്‍ ആരംഭിച്ചതായി ഭാരവാഹികള്‍ കൂട്ടിച്ചേര്‍ത്തു.