ലുധിയാന: ഇന്ത്യന്‍ വനിതാ ഫുട്‌ബോള്‍ ലീഗിന്റെ സെമി ലൈനപ്പ് തയാറായി.
ഒന്നാം സെമി ഫൈനലില്‍ ഗോകുലം കേരള എഫ്.സി മണിപ്പൂര്‍ പൊലിസിനെ നേരിടും. ഗ്രൂപ്പ് ഘട്ടത്തിലെ അഞ്ചു മത്സരങ്ങളും വിജയിച്ച് 15 പോയിന്റുമായാണ് ഗോകുലം കേരള എഫ്.സി സെമി ഫൈനലില്‍ പ്രവേശിച്ചത്. ഗ്രൂപ്പ് ഘട്ടത്തില്‍ നടന്ന അഞ്ച് മത്സരങ്ങളില്‍ 37 ഗോളുകള്‍ അടിച്ച് കൂട്ടിയാണ് മണിപ്പൂര്‍ പൊലിസ് സെമിയില്‍ പ്രവേശിച്ചിട്ടുള്ളത്. ഇന്നലെ നടന്ന അവസാന മത്സരത്തില്‍ ബാംഗ്ലൂരിനെ എതിരില്ലാത്ത പത്ത് ഗോളുകള്‍ക്കായിരുന്നു മണിപ്പൂര്‍ പൊലിസ് പരാജയപ്പെടുത്തിയത്. രണ്ട@ാം സെമിയില്‍ സേതു എഫ്.സിയും എസ്.എസ്.ബി വുമണ്‍സുമാണ് ഏറ്റുമുട്ടുക. ഗ്രൂപ്പ് ഘട്ടത്തിലെ അഞ്ച് മത്സരത്തിലും വിജയിച്ചാണ് സേതു എഫ്.സി സെമിയില്‍ പ്രവേശിച്ചത്. സെമി പോരാട്ടങ്ങള്‍ നാളെ നടക്കും.