ഹരിപ്പാട്: ഇല ചാരിറ്റി ഇന്‍ഷ്യേറ്റീവിന്റെ നേതൃത്വത്തില്‍ അഞ്ചു ദിവസം നീണ്ടുനില്‍ക്കുന്ന കുട്ടികളുടെ അവധിക്കാല കൂട്ടായ്മ 'മാമ്പഴക്കാല'ത്തിന് തുടക്കമായി. മണ്ണാറശാല യു.പി സ്‌കൂളില്‍ വെച്ച് നടക്കുന്ന ക്യാംപ് പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. കെ.സി വേണുഗോപാല്‍ എം.പി മുഖ്യപ്രഭാഷണം നടത്തി. ഇല ചെയര്‍മാന്‍ എസ്.ദീപു അധ്യക്ഷനായി. ചലച്ചിത്രതാരം സാജന്‍ പള്ളുരുത്തി, ദേശീയ ചലച്ചിത്ര അവാര്‍ഡ് ജേതാവ് വിനോദ്, കെ.എസ്.ഹരികൃഷ്ണന്‍, ജയദേവന്‍ മണ്ണാറശാല, ഹരീന്ദ്രനാഥ്, നിധീഷ് മുരളി, വീണ, അമല്‍, റിന്‍സണ്‍ എന്നിവര്‍ പ്രസംഗിച്ചു.