മംഗളൂരു: മംഗളൂരു ടൗണ്‍ ഹാളില്‍ ഓഗസ്റ്റ് ഒന്നിനു നടക്കുന്ന പാണക്കാട് സയ്യിദ് മുഹമ്മദലി ശിഹാബ് തങ്ങള്‍ സെന്റര്‍ ഫോര്‍ ഇസ്ലാമിക് എജ്യുക്കേഷന്‍ നാഷണല്‍ മിഷന്‍ വിജയകരമാക്കാന്‍ എം.എച്ച് മൊയ്തീന്‍ ഹാജിയുടെ അധ്യക്ഷതയില്‍ ചേര്‍ന്ന സ്വാഗതസംഘം തീരുമാനിച്ചു. ജനറല്‍ കണ്‍വീനര്‍ ചെര്‍ക്കളം അബ്ദുല്ല ഉദ്ഘാടനം ചെയ്തു. റഷീദ് ഫൈസി സ്വാഗതം പറഞ്ഞു. സമസ്ത കേരള ജംഇയ്യത്തുല്‍ ഉലമായുടെ കീഴിലുള്ള പട്ടിക്കാട് ജാമിഅ നൂരിയ്യ അറബിക് കോളജിന്റെ കീഴില്‍ ഇന്ത്യയിലെ വിവിധ സംസ്ഥാനങ്ങളില്‍ പ്രവര്‍ത്തിക്കുന്ന സ്ഥാപനങ്ങളുടെ കോര്‍ഡിനേഷന്‍ സംവിധാനമാണ് നാഷണല്‍ മിഷന്‍. സയ്യിദ് അലി തങ്ങള്‍, ഉസ്മാന്‍ ഫൈസി, ശരീഫ് ഫൈസി, എം.ഡി.ബി മൊയ്തീന്‍ ഹാജി, അഷ്‌റഫ് (മുന്‍ മേയര്‍), മുസ്തഫ ഹാജി, ഇസ്ഹാഖ് ഹാജി തോഡാര്‍, അസീസ് കട്ടത്തോട്, മജീദ് ഫൈസി തുടങ്ങിയവര്‍ സംബന്ധിച്ചു.