മത്സരത്തിനിടെ റഫറി കുഴഞ്ഞുവീണ് മരിച്ചു
ലാപാസ്: ബൊളീവിയയില് ഫുട്ബോള് മത്സരത്തിനിടെ റഫറി കുഴഞ്ഞുവീണ് മരിച്ചു.
മുപ്പത്തിയൊന്നുകാരനായ വിക്ടര് ഹ്യൂഗോ ഹര്ട്ടാഡോ ആണ് മരിച്ചത്. ബൊളീവിയന് ലീഗിലെ ആല്വേസ് റെഡിയും ഓറിയന്റെ പെട്രോലെറോയും തമ്മിലുള്ള മത്സരത്തിനിടെയായിരുന്നു സംഭവം. കുഴഞ്ഞുവീണ റഫറിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മത്സരം നിയന്ത്രിക്കുന്നതിനിടെ 47-ാം മിനുട്ടില് കുഴഞ്ഞുവീഴുകയായിരുന്നു.
ഹൃദയാഘാതമാണ് മരണകാരണമെന്നാണ് റിപ്പോര്ട്ട്. സമുദ്രനിരപ്പില്നിന്ന് 3,900 മീറ്റര് ഉയരത്തില് സ്ഥിതിചെയ്യുന്ന മുനിസിപ്പല് സ്റ്റേഡിയത്തിലായിരുന്നു മത്സരം. ഓക്സിജന്റെ അളവ് കുറഞ്ഞതിനാല് ഇവിടെ കളിക്കാനെത്തുന്ന വിദേശ രാജ്യങ്ങളിലെ കളിക്കാരും ബുദ്ധിമുട്ടുക പതിവാണ്. ഓക്സിജന്റെ അഭാവമുള്ളതിനാല് തുറന്ന സ്റ്റേഡിയങ്ങളിലാണ് മത്സരങ്ങള് നടത്താറുള്ളത്. ചില മൈതാനങ്ങള്ക്ക് ഫിഫയുടെ വിലക്കും നിലനില്ക്കുന്നുണ്ട്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."