മറ്റത്തൂര്‍: മൂന്നുമുറി ശ്രീകൃഷ്ണ ഹൈസ്‌കൂളിലെ അധ്യാപക രക്ഷാകര്‍ത്തൃ സമിതിയുടെ വാര്‍ഷിക പൊതു യോഗവും ജൂനിയര്‍ റെഡ് ക്രോസ് യൂനിറ്റുകളുടെ ഉദ്ഘാടനവും വിദ്യാഭ്യാസ മന്ത്രി സി.രവീന്ദ്രനാഥ് നിര്‍വഹിച്ചു.
 പി.ടി.എ പ്രസിഡന്റ് എ.കെ രാജന്‍ അധ്യക്ഷനായി. എസ്.എസ്.എല്‍.സിക്ക് ഉന്നത വിജയം നേടിയ കുട്ടികള്‍ക്കുള്ള എന്റോവ്‌മെന്റുകളും പുരസ്‌കാരങ്ങളും ജില്ലാ പഞ്ചായത്ത് മെമ്പര്‍ സി.ജി സിനി വിതരണം ചെയ്തു. ജൂനിയര്‍ റെഡ് ക്രോസ് റവന്യൂ ജില്ലാ സെക്രട്ടറി ദേവസി ചെമ്മണ്ണൂര്‍, കൊടകര ബ്ലോക്ക് പഞ്ചായത്ത് വൈസ് പ്രസിഡന്റ് മോഹനന്‍ ചള്ളിയില്‍, ഗ്രാമപഞ്ചായത്ത് വൈസ് പ്രസിഡന്റ് ബീന നന്ദകുമാര്‍, മറ്റത്തൂര്‍ പഞ്ചായത്ത് സ്ഥിരം സമിതി ചെയര്‍പേഴ്‌സണ്‍ ഷീല തിലകന്‍, പ്രധാനാധ്യാപിക എം.മഞ്ജുള, സുരേന്ദ്രന്‍ ഞാറ്റുവെട്ടി, പ്രവീണ്‍.എം.കുമാര്‍, വി.എച്ച് മായ, സില്‍ജ ശിവരാമന്‍ സംസാരിച്ചു.