പട്ടിക്കാട്: ജാമിഅ നൂരിയ്യ അറബിയ്യയുടെ കീഴിലുള്ള സ്ഥാപനങ്ങളുടെ കൂട്ടായ്മയായ കോ ഓഡിനേഷന്‍ ഓഫ് ജാമിഅ ജൂനിയര്‍ കോളജസ് പൊതു പരീക്ഷാ ഫലം പ്രസിദ്ധീകരിച്ചു.
ഹയര്‍ സെക്കന്‍ഡറി വിഭാഗത്തില്‍ കുണ്ടൂര്‍ മര്‍കസിലെ മുഹമ്മദ് റബീഹ് വി. ഒന്നാം റാങ്കും ദാറുന്നജാത്ത് വിദ്യാര്‍ഥി മുഹമ്മദ് ജുനൈദ് എം.കെ, മുഹമ്മദ് മുബശിര്‍ എം എന്നിവര്‍ യഥാക്രമം രണ്ട്, മൂന്ന് റാങ്കുകളും നേടി.
സെക്കന്‍ഡറി വിഭാഗത്തില്‍ നിലമ്പൂര്‍ മര്‍കസ് വിദ്യാര്‍ഥികളായ സാദിഖലി കെ, അദ്‌നാന്‍ എ.കെ എന്നിവര്‍ യഥാക്രമം ഒന്ന്, രണ്ട് റാങ്കുകളും അല്‍ഹസനാത്ത് മാമ്പുഴ വിദ്യാര്‍ഥി മുഹമ്മദ് ഫവാസ് ഇ. മൂന്നാം റാങ്കും നേടി.
യു.ജി സെക്കന്‍ഡറി വിഭാഗത്തില്‍ റാശിദ് പി. (അല്‍ ഹസനാത്ത് അറബിക് കോളജ്) ഒന്നാം റാങ്കും ശുഹദാ കോളജ് പുത്തനങ്ങാടി വിദ്യാര്‍ഥി അമാനുദ്ദീന്‍ രണ്ടാം റാങ്കും മള്ഹറുല്‍ ഉലൂം കണ്ണമംഗലം വിദ്യാര്‍ഥി സ്വഫ്‌വാന്‍ പി.പി മൂന്നാം റാങ്കും നേടി.
യു.ജി ഹയര്‍ സെക്കന്‍ഡറി വിഭാഗത്തില്‍ ദാറുന്നജാത്ത് വിദ്യാര്‍ഥികളായ ഉവൈസ് ഇ.കെ, ജാബിര്‍ പി. യഥാക്രമം ഒന്ന്, രണ്ട് റാങ്കുകളും ഇമാം ഗസ്സാലി അക്കാദമിയിലെ അഹ്മദ് ഫര്‍ഹാന്‍ മൂന്നാം റാങ്കും നേടി.
അവലോകന യോഗം ഹംസ റഹ്മാനി കൊണ്ടിപ്പറമ്പ് ഉദ്ഘാടനം ചെയ്തു.
ഉസ്മാന്‍ ഫൈസി ഏറിയാട്, ടി.എച്ച് ദാരിമി ഏപ്പിക്കാട്, ഡോ. അബ്ദുറഹ്മാന്‍ ഫൈസി സംബന്ധിച്ചു.