റിയാദ്: ലോകത്തിലെ ഏറ്റവും വലിയ ഈത്തപ്പന മരുപ്പച്ചയായ അൽഅഹ്​സ ഈന്തപ്പന മരുപ്പച്ച (അൽഅഹ്​സ പാം ഒയാസിസ്​) ഗിന്നസ്​ ബുക്കിൽ. സഊദി സാംസ്കാരിക മന്ത്രി ബദർ ബിൻ അബ്ദുല്ല ബിൻ ഫർഹാൻ രാജകുമാരൻ അറിയിച്ചതാണിക്കാര്യം. 85.4 ചതുരശ്ര കിലോമീറ്ററിൽ 280 ഓളം കുഴൽക്കിണറുകളിൽ നിന്ന്​ ജലം പമ്പ്​ ചെയ്​തു വളർത്തിയ ഇവിടെ മുപ്പത് ലക്ഷത്തോളം ഈന്തപനകൾ ഉൾകൊള്ളുന്നതായാണ് കണക്കുകൾ. പ്രധാനമായും ഖലാസ് എന്ന പേരിലുള്ള ഈത്തപ്പഴമാണു അൽ അഹ്സയിലെ പ്രത്യേക ഈന്തപ്പഴം.

       അൽഅഹ്​സ മരുപ്പച്ച യുനെസ്​കോയുടെ ലോക പൈതൃക പട്ടികയിൽ നേരത്തെ ഇടം പിടിച്ചിരുന്നു. യുനെസ്കോയുടെ ലോക പൈതൃക കേന്ദ്രങ്ങളുടെ ലിസ്റ്റിൽ പ്രവേശിച്ച സഊദി അറേബ്യയിലെ അഞ്ചാമത്തെ സ്ഥലമാണ് അൽഹസ. അൽഉലായിലെ മദീനത്ത്​ ഹജ്​ർ, റിയാദ്​ ദറഇയയിലെ ഹയ്യ്​ തുറൈഫ്​, ജിദ്ദ ഹിസ്​റ്റോറിക്കൽ മേഖല, ഹാഇലിലെ ജുബ്ബ, ശൂയ്​മസ്​ എന്നിവിടങ്ങളിലെ ശിലാ ലിഖിതങ്ങൾ എന്നിവയും സഊദിയിൽ നിന്ന്​ പൈതൃക പട്ടികയിലുണ്ട്​.

    പാരിസ്​ഥിതികവും പ്രകൃതിപരവുമായ സവിശേഷതകൾക്ക്​​ പുറമേ ചരിത്രപരവും സാംസ്​ കാരികവുമായ പൈതൃകങ്ങളാലും സമൃദ്ധമാണ്​ അൽഅഹ്​സ. നിരവധി ടൂറിസം കേന്ദങ്ങളും ഉൾകൊള്ളുന്ന ഇവിടം സഊദിയിലെ മികച്ച കാർഷിക കേന്ദ്രങ്ങളിൽ ഒന്ന്ലോ കൂടിയാണ്. പുതിയ നേട്ടം ഇവിടം ലോക ശ്രദ്ധ കേന്ദ്രീകരിക്കപ്പെടുന്നതോടെ ഇനിയും വിവിധ മേഖലകളിൽ ഇനിയും അൽഹസ ചരിത്രമെഴുതുമെന്നാണ് കരുതുന്നത്.