കുമ്പള: നഗര പരിസരങ്ങളില്‍ മാലിന്യം തള്ളുന്നതിനെതിരേ ബോര്‍ഡുകള്‍ പ്രത്യക്ഷപ്പെട്ടതോടെ മാലിന്യം തള്ളല്‍ പൊതുകിണറുകളിലായി. കഴിഞ്ഞ ദിവസങ്ങളിലായി കുമ്പള ടൗണിലും പരിസരങ്ങളിലും മാലിന്യം തള്ളുന്നതു തടഞ്ഞു ബദിയഡുക്ക റോഡ്, പൊലിസ് സ്റ്റേഷന്‍ റോഡ് തുടങ്ങിയ സ്ഥലങ്ങളില്‍ ബോര്‍ഡുകള്‍ സ്ഥാപിച്ചിരുന്നു. ഇതോടെ മാലിന്യം തള്ളല്‍ കുമ്പള ഗവര്‍മെന്റ് ഹൈസ്‌കൂള്‍ റോഡിലേക്കായി.
ഇവിടം മാലിന്യം കൊണ്ട് നിറഞ്ഞതോടെ ടൗണിലെയും പരിസരങ്ങളിലേയും പൊതുകിണറുകള്‍ മാലിന്യം തള്ളാനുള്ള കേന്ദ്രമാക്കി.
പഞ്ചായത്ത് ഓഫിസ് കെട്ടിടത്തിനു പിറകിലെ രണ്ടു പൊതുകിണറുകളും മാലിന്യം നിറച്ചു മൂടിയിരിക്കുകയാണ്.
നിരവധി വ്യാപാര സ്ഥാപനങ്ങളും വീടുകളും കുടിവെള്ളത്തിനായി ആശ്രയിച്ചിരുന്ന നഗരത്തിലെ മൂന്നോളം പൊതുകിണറുകളാണ് അധികൃതരുടെ അനാസ്ഥ മൂലം മാലിന്യം നിറഞ്ഞ് ഇല്ലാതായത്.