ലീഗിനേക്കാള്‍ ചെറിയ പാര്‍ട്ടിയായി ഇപ്പോള്‍ സി.പി.എം മാറിയെന്ന് മലപ്പുറത്തെ യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടി. തമിഴ്‌നാട്ടിലെ ഒരു സീറ്റടക്കം മുസ്ലിം ലീഗ് മൂന്നു സീറ്റുകളില്‍ മുന്നേറുകയാണ്. സി.പി.എമ്മിന് ഇതിലും കുറവായിരിക്കും. അവര്‍ക്ക് ആകെ സാധ്യതയുള്ളത് തമിഴ്‌നാട്ടില്‍ ഒരു സീറ്റാണെന്നും അതുതന്നെ മുസ്ലിം ലീഗിന്റെയും കോണ്‍ഗ്രസിന്റെയും കൂടി സഹായം കൊണ്ടാണെന്നേ പറയാനാകൂ എന്നും അദ്ദേഹം പറഞ്ഞു.
ശബരിമലയില്‍ സി.പി.എം ചെയ്ത കാര്യങ്ങള്‍ ശരിയായില്ല എന്നാണ് അന്നുമിന്നും ലീഗ് പറഞ്ഞിട്ടുള്ളത്. ശബരിമല വിഷയത്തില്‍ സി.പി.എം ജനങ്ങളെ സങ്കടപ്പെടുത്തിയതിന്റെ ഫലമാണ് ഈ തെരഞ്ഞെടുപ്പ് ഫലമെന്നും അദ്ദേഹം സൂചിപ്പിച്ചു.