റിയാദ്: ഡൽഹിയിലെ മാധ്യമ പ്രവർത്തകനും കേരള വർക്കിങ് ജേർണലിസ്റ്റ് യൂണിയൻ ഡൽഹി യൂണിറ്റ് സെക്രട്ടറിയുമായ സിദ്ദീഖ് കാപ്പനെ പോലീസ് അറസ്റ്റ് ചെയ്തതിൽ റിയാദ് ഇന്ത്യൻ മീഡിയ ഫോറം പ്രതിഷേധിച്ചു. ഉത്തർപ്രദേശ് അടക്കമുള്ള വടക്കെ ഇന്ത്യൻ സംസ്ഥനങ്ങളിൽ മാധ്യമ പ്രവർത്തകർക്ക് അപ്രഖ്യാപിത അടിയന്തിരാവസ്ഥ ആണുള്ളത്.

മാധ്യമ പ്രവർത്തകർ നിരന്തരം ആക്രമിക്കപെടുകയോ തൊഴിൽ ചെയ്യാനുള്ള സ്വാതന്ത്യമോ നിഷേധിക്കപെടുകയോ ചെയ്യുന്നു. കേന്ദ്ര സംസ്ഥാന സർക്കാരുകൾ മാധ്യമ പ്രവർത്തകർക്കെതിരെയുള്ള അക്രമണത്തിന് അറുതി വരുത്തണമെന്ന് റിംഫ് പ്രതിഷേധ പ്രമേയത്തിലൂടെ ആവശ്യപ്പെട്ടു.