ഈരാറ്റുപേട്ട: ബിജെപി സ്ഥാനാര്‍ത്ഥി കെ സുരേന്ദ്രന് ഏറ്റവും കുറവ് വോട്ട് ലഭിച്ചത് പി സി ജോര്‍ജ്ജിന്റെ പൂഞ്ഞാര്‍ മണ്ഡലത്തില്‍ നിന്ന്. മണ്ഡലത്തിലെ വോട്ടര്‍മാരെ വഞ്ചിച്ച് ബിജെപിക്കൊപ്പം ചേര്‍ന്ന ജോര്‍ജ്ജിന് കനത്ത തിരിച്ചടി നല്‍കിയിരിക്കുകയാണ് പൂഞ്ഞാറിലെ ജനങ്ങള്‍. സുരേന്ദ്രന് പൂഞ്ഞാര്‍ നിയോജക മണ്ഡലത്തില്‍ നിന്ന് ലഭിച്ചത് 3 0990 വോട്ടുകള്‍ മാത്രമാണ്.
കഴിഞ്ഞ നിയമസഭാ തിരഞ്ഞടുപ്പില്‍ എന്‍.ഡി.എയ്ക്ക് 19966 വോട്ടുകള്‍ ലഭിച്ചിരുന്നു. 2014ല്‍ കഴിഞ്ഞ ലോകസഭയില്‍ തിരഞ്ഞെടുപ്പില്‍ ആന്റ്റോ ആന്റണിക്ക് 43614 വോട്ടുകള്‍ മാത്രമാണ് ലഭിച്ചത്.ഈ പ്രാവശ്യം അത് 61530 വോട്ടുകളായി ഉയര്‍ന്നു.

പൂഞ്ഞാര്‍ മണ്ഡലത്തില്‍ നിന്നാണ് യൂ.ഡി.എഫിന് ഈ തിരഞ്ഞെടുപ്പില്‍ ഏറ്റവും കൂടുതല്‍ ഭൂരിപക്ഷം ലഭിച്ചത്.17929. പി.സി.ജോര്‍ജ് ബി.ജെ.പി യോടൊപ്പം ചേര്‍ന്നത് യു.ഡി എഫിന് ഗുണകരമായി. കഴിഞ്ഞനിയമസഭാ തിരഞ്ഞടുപ്പില്‍ പി.സി.ജോര്‍ജിന് 63621 വോട്ടുകള്‍ ലഭിച്ചിരുന്നു.
ശബരിമല വിഷയത്തില്‍ പി സി ജോര്‍ജ്ജ് ബിജെപിയെ പിന്തുണച്ച് രംഗത്തെത്തിയത്.