തൃശൂര്‍: കേരള ലാന്‍ഡ് റവന്യൂ സ്റ്റാഫ് അസോസിയേഷന്‍ 16-ാം സംസ്ഥാന സമ്മേളനം ഈ മാസം 11 മുതല്‍ 14 വരെ സാഹിത്യ അക്കാദമി, റീജിയണല്‍ തിയ്യേറ്റര്‍ എന്നിവിടങ്ങളിലായി നടത്തുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. 12ന് രാവിലെ 11 ന് പ്രതിനിധി സമ്മേളനം റീജിയണല്‍ തിയ്യേറ്ററില്‍ മന്ത്രി ഇ.ചന്ദ്രശേഖരന്‍ ഉദ്ഘാടനം ചെയ്യും. 13ന് രാവിലെ 9 ന് സാഹിത്യ അക്കാദമിയില്‍ നടത്തുന്ന സെമിനാര്‍ മന്ത്രി വി.എസ്.സുനില്‍കുമാറും തുടര്‍ന്ന് നടക്കുന്ന പരിസ്ഥിതി സാംസ്‌കാരിക സമ്മേളനം മന്ത്രി സി.രവീന്ദ്രനാഥും ഉദ്ഘാടനം ചെയ്യും. സൗഹൃദ സമ്മേളനം പ്രൊഫ.കെ.യു അരുണന്‍ എം.എല്‍.എ ഉദ്ഘാടനം ചെയ്യും. സംസ്ഥാന പ്രസിഡന്റ് കെ.ആര്‍ രവീന്ദ്രന്‍, ജനറല്‍ സെക്രട്ടറി തട്ടാരമ്പലം ജയകുമാര്‍, ജനറല്‍ കണ്‍വീനര്‍ ഇസാ-ബിന്‍ അബ്ദുള്‍ കരീം, ജില്ലാ ട്രഷറര്‍ ഹരീഷ് ബാബും.എം എന്നിവര്‍ പത്രസമ്മേളനത്തില്‍ പങ്കെടുത്തു.