ടോക്കിയോ: ഒന്‍പത് പേരെ കൊന്നതിന് ശേഷം വെട്ടിനുറുക്കി പെട്ടികളിലാക്കി സൂക്ഷിച്ച ജപ്പാനിലെ 'ട്വിറ്റര്‍' കൊലയാളി അറസ്റ്റില്‍. തികാഹിരോ ഷിരൈഷി (27) ആണ് പിടിയിലായത്.
ട്വിറ്ററിലൂടെ പരിചയപ്പെട്ടാണ് ഇദ്ദേഹം ഇരകളെ കണ്ടെത്തുക.ആത്മഹത്യാ പ്രവണത കാണിക്കുന്നവരോട് ട്വിറ്ററിലൂടെ ഇദ്ദേഹം അടുക്കുകയും സഹായിക്കാമെന്നോ ഒരുമിച്ച് മരിക്കാമെന്നോ പറഞ്ഞ് കൊലപ്പെടുത്തുകയാണ് ചെയ്തിരുന്നത്.
15 മുതല്‍ 26 വയസു വരെയുള്ളവരെയാണ് ഇദ്ദേഹം കൊലപ്പെടുത്തിയത്. കൊലക്ക് ശേഷം മൃതദേഹങ്ങള്‍ വെട്ടിനുറുക്കി കൂളറുകള്‍, പെട്ടികള്‍, ടൂണ്‍ ബോക്‌സുകള്‍ എന്നിവകളില്‍ സൂക്ഷിക്കുകയാണ് ചെയ്തിരുന്നത്. തികാഹിരോ ഷിരൈഷി കുറ്റസമ്മതം നടത്തി.