തിരുവനന്തപുരം: കേന്ദ്ര സാഹിത്യ അക്കാദമി പുരസ്‌കാര ജേതാവായ പ്രഭാവര്‍മയെ ആദരിച്ചു. ടാഗോര്‍ തിയേറ്ററില്‍ സംഘടിപ്പിച്ച ശ്യാമമാധവ സന്ധ്യയില്‍ മന്ത്രി കടന്നപ്പള്ളി രാമചന്ദ്രന്‍ മുഖ്യാതിഥിയായി. സാംസ്‌കാരിക കേരളത്തിന്റെ ആദരമായി പുസ്തകവും പേനയും ആലേഖനം ചെയ്ത ശില്പം മന്ത്രി നല്‍കി.
സംഗീതജ്ഞ ഡോ. കെ. ഓമനക്കുട്ടി പ്രഭാവര്‍മയെ പൊന്നാടയണിയിച്ചു. പ്രമോദ് പയ്യന്നൂര്‍ സ്വാഗതം പറഞ്ഞു. പ്രൊഫ. വി.എന്‍. മുരളി അധ്യക്ഷനായി. മുന്‍ ചീഫ് സെക്രട്ടറി ആര്‍. രാമചന്ദ്രന്‍ നായര്‍, പ്രൊഫ.അലിയാര്‍, കാവാലം ശ്രീകുമാര്‍, കേരള സംഗീത നാടക അക്കാദമി സെക്രട്ടറി എം.രാധാകൃഷ്ണന്‍,ഡോ. ബെറ്റിമോള്‍ മാത്യു, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് ഡയറക്ടര്‍ ഡോ.കെ. അമ്പാടി, വൈലോപ്പളളി സംസ്‌കൃതി ഭവന്‍ സെക്രട്ടറി എം.ആര്‍. ജയഗീത സംബന്ധിച്ചു.